Zamanda geriye doğru yolculuk yapmanın en kısa yolu tarih okumaktır

 

 

3'İP'İLİ

3'İP'İLİ 3'ip'ili getasuleşa idu ocuşeni. Gulun, cums, cums. Ar uşkirişi caş tude ort'uşi, but'k'a melu do 3'ip'ilişi k'udelis ga't'u. Aşkurinu 3'ip'ilis, imt'u do nanamuşişa komextu.
- Nana, nana! –ucoxoms 3'ip'ilik.
- Mu noren, mu gağodu?
- Nana, 3a gont'roxu do ar finç'a k'udelis gemat`u, bimt'at nana!
İgzales. Dido didi gzas ides do ar bibi konages.
- Bibi so ulur? Kotumek k'itxu.
- Oxorişa mebulur.
- Hek 3a gontroxu.
- Sin mik gi3`u?
- 3'ip'ilik mi3'u.
- 3'ip'ili, sin mik gi3'u?
- Man toli çkite bz'iri, 3aşi ar finç'a kudelis gemat'u.
Sumi xolok gza dokaçes. Ar m3ika idesşi ğorğoci konages.
- Ğorğoci, sin so ulur? – Bibik k'itxu.
- Oxorişa.
- Hek 3a gont'roxu do muç'o ulur?
- Sin mik gi3'u?
- Kotumek mi3'u.
- Kotume sin mik gi3'u? -K'itxu ğorğocik.
- 3'ip'ilik mi3'u.
- 3'ip'ili, sin mik gi3'u?
- Man toli çkite bz'iri, 3aşi ar finç'a kudelis gemat'u.
Ğorğocis daceru do ha3'i otxo-xoloti nulunan. İdes-idesşi mk'apu konages.
- Mk'apu so ulur? –Ğorğocik k'itxu.
- Oxorişa.
- Var, var, hek 3a gont'roxu mo ulur! –U3'u mk'apus ğorğocik.
- Sin mu giçkin?
- Bibik mi3'u.
- Bibi, sin mu giçkin?
- Kotumek mi3'u.
- Kotume, sin mu giçkin?
- 3'ipilik mi3'u. -3'ip`ili sin mu giçkin? -Man toli çkimite bzviri, uci çkimite bogni, 3aşi ar finç'ati k'udelis gemat'u.
- Man k'ai mağara miğun. -mk'apuk mutepes u3'umes, hek bidat mutu varmağodenan.
İri-xolos k'ayi da3'ones do ides. Mağaras komeşiles.
Komeşileş-k'ule mk'apuk iri xolo oç'k'omu.
Hentepes na ağodes mteli ar ç'ut'a 3'ip'iliş nosite.

1 Ocak 1937
3'it'aşi İskenderi

www.hopam.com